بعثرات من صمتى؛؛ ملك..

بعثرات من صمتى؛؛ ملك..


بين الصحاري والضما احساس ليتك تفهمه ..
بين السحابه والسما دمعه تبعثر همها ..
بين الشواطئ والبحر شوق عجزنا نفهمه ..
بين الليالي والسهر حسره جزعنا اسمها ..
بين الدروب الموحشه صرخه صداها تكتمه ..
من يرسم الخطوه رجا بين الجهات المظلمه ..؟؟
من يروي النبته مهما زمنها زمها..؟؟
من ياترى يصبر على جور الحياة المعتمه ..؟؟
لهفه تموت وتندثر فرحة زمن ماتمها ..؟؟
ضيقة معاني تمتطي ذاك الشعور وتلجمه ..
ياذا البعيد تفداك روحي ضمها ..
جيتك مع الموجه عسى اسرق من عيونك سمه ..
نظره يتيمه عابره كل الحنان يعمها..
جيتك وله جيتك وفا عمر بوجودك يقسمه ..
انت الرموز الباقيه واللي مضى ماهمها ..
خذ مابقى من حلمي الشارد بعيد وترجمه ..
غربة غلا وقلوبنا في لون العطا في دمها ..
جيتك خواطر هايمه جيتك قصايد مبهمه ..
ياهاجسي مد النظر صوب النجوم وسمها ..
ياما تحريت القمر ياخذ من الليل اسمه ..
عشق الزوايا والبحر بعثرحروفي لمها ..
اما وصل والاجفا شي عسى ما نعدمه .
صمت وعنا ,,عزلة مشاعر غارقه في يمهاا

تحياتى؛؛؛